ආදරය. ඊයේ අද මෙන්ම හෙටත් මිනිස්සුන්ට තියෙන ලොකුම ප්රශ්න වලින් එකක්. විශේෂයෙන්ම යෞවන යෞවනියන් අතර. ආදරයේ විවිධ ස්වරූප තියෙනව.
අන්තර් පුද්ගල ආදරය මෙන්ම
පුද්ගලයන් හා භෞතික ජීවී අජීවී විශේෂයන් අතර පවතින ආදරය ආදී වශයෙන්. කොහොම උනත් අපි කතාකරන මානව ප්රේමය අන්තර් පුද්ගලයි. චිත්තවේගාත්මකයි. භාවාත්මකයි. පරිණාමීය ජීවවිද්යාත්මක සමාජයීය ආදී අංශ ගණනාවකින් මේ කාරණේ ගැන කතාකරන්න පුලුවන්.
කොහොම උනත් වැඩිදුර විස්තර ඕනෙනං විකිපීඩියාවෙ සර්ච් පාරක් දාන්න.
අපි මේ ආදරය රසවිඳින ආකාර වලින් නිර්මාණයන්ට හිමිවන්නෙ ලොකු තැනක්. කවි සින්දු නවකතා කෙටිකතා චිත්රපට නාට්ය ටෙලිනාට්ය විතරක් නෙවෙයි ටාජ් මහල් වගේ අග්රගණ්ය නිර්මාණ වලත් මේ ආදරය කැටිවෙලා තියෙනවා. අපි හැමෝගෙම ඇතුලෙ නිර්මාණකරුවෙක් ඉන්නවා. කවියෙක් කිවිඳියෙක් ගායකයෙක් ගායිකාවක් කොටින්ම කිව්වොත් කලාකරුවෙක් කලාකාරියෙක්.
කොහොම උනත් බොහොම ප්රකට කියමනක් තියෙනවා "කවියෝ ආදරය නොහඳුනති" කියලා.
කවියො කිව්වෙ හැම කලාකාරයම. තමන්ට ළඟා කරගන්න අමාරු ආදරය, තමන්ට අහිමි උනු ආදරය, හිතේ තියාගෙන වැලපෙන ආදරය, මෙලොවින් සමුගත්ත ආදරය, දුරක ඉන්න ආදරය, කියාගන්න බැරුව ළතවෙන ආදරය, වෙනකෙකුගෙ වුණු ආදරය......... සෑම සාර්ථක නිර්මාපකයෙක්ගෙම පිටිපස්සෙ මේ වගේ ආදරයක් තියෙනවා. ලියෝ තෝල්ස්තෝයි, ඇන්ටන් චෙකොෆ්, ෂේක්ස්පියර්, රෝලිං, මෝපසාං, හියුගෝ ආදී බොහෝ නිර්මාණ කරුවන්ගේ නිර්මාණ ඔවුන් තමන්ගෙ ආදරය ජීවත් කරවන්නට තනපු ෆැන්ටසීන්. බොහෝවිට සැබෑ ආදරය විඳින්නට ඔවුනට අවස්ථාවක් ලැබී නැහැ. අදටත් අනුවේදනීය සුන්දර නිර්මාණ දායාද කරන්නන් පිටුපස එකී ෆැන්ටසියානු ආදර කතා සැඟවිලා තියෙනවා. ෆේස්බුක් නිසඳැස් වල, වට්ස්ඇප් ස්ටේටස් වල, ට්වීට් කරපු කවිවල, පෝස්ට් කරන නිර්මාණ වල ඒ ෆැන්ටසියාවේ ස්පර්ෂක ඕනෑතරම් දකින්න තියෙනවා.
ලියන්නට කියයි නුඹ කවි
අපේ සෙනෙහස ගැන ගොතා
කුමට වෙහෙසනු විඩා දී හිත
සිතම මගෙ කවියක් වෙලා...
- කැකුළා-
